FADEMGA Plena inclusión Galicia recibe unha axuda da Deputación de Pontevedra para o seu Servizo de Información e Orientación Laboral en Vigo
FADEMGA Plena inclusión Galicia
29-10-2025FADEMGA Plena inclusión Galicia vén de recibir unha axuda económica da Deputación de Pontevedra dentro da convocatoria de subvencións de 2025 destinadas a entidades sociais sen ánimo de lucro.
Esta colaboración permitirá financiar parte das actividades que se desenvolven no Servizo de Información e Orientación Laboral que FADEMGA ten no Concello de Vigo, un recurso clave para apoiar a inclusión laboral das persoas con discapacidade intelectual.
Un apoio para fomentar o emprego inclusivo
A contía concedida ascende a 4.000 euros, que se destinarán a continuar o labor de orientación, acompañamento e apoio que o servizo presta a persoas con discapacidade intelectual en materia de emprego.
Grazas a esta achega, FADEMGA poderá seguir desenvolvendo accións como:
- Información sobre dereitos laborais.
- Orientación e asesoramento na busca de emprego.
- Apoio á formación profesional e á mellora das competencias....
Un paso máis cara á igualdade de oportunidades
Desde FADEMGA Plena inclusión Galicia queremos agradecer á Deputación de Pontevedra o seu compromiso e apoio ao traballo que realizan as entidades sociais.
Este tipo de axudas son fundamentais para construír unha sociedade máis xusta, inclusiva e con igualdade de oportunidades, na que todas as persoas poidan acceder ao mercado laboral en condicións de equidade.
