Charla-coloquio sobre envellecemento: unha mirada positiva, realista e con apoios
A charla, de balde, celebrarase o 29 de xaneiro, no salón de actos da Universidade Intercontinental da Empresa (UIE) en A Coruña.
FADEMGA Plena inclusión Galicia
09-01-2026O Centro ocupacional Pascual Veiga e FADEMGA Plena inclusión Galicia organizamos unha charla-coloquio sobre o proceso de envellecemento dirixida a familias, estudantes, profesionais, persoas coidadoras, voluntariado así como a toda aquela persoa interesada neste eido.
Esta charla ten como obxectivo ofrecer unha visión positiva, realista e comprometida desta etapa vital, poñendo o foco na dignidade, a autonomía e a toma de decisións ao longo de toda a vida. Ao longo da sesión, reflexionaremos sobre como afrontar o envellecemento dende o respecto ás persoas e dende a necesidade de contar cos apoios axeitados en cada momento vital, garantindo unha boa calidade de vida tamén nas etapas máis avanzadas.
De maneira específica, abordaremos cuestións clave como:
- A importancia de seguir sendo parte activa nas decisións vitais, tamén na vellez.
- O empoderamento das persoas maiores coidadoras, ofrecéndolles ferramentas prácticas para afrontar os cambios asociados ao envellecemento.
- A necesidade de recursos e apoios adaptados ás necesidades de cada persoa.
- A visibilización do envellecemento como unha etapa que, con apoios adecuados, pode ser digna, segura e enriquecedora.
Esta charla-coloquio pretende ser tamén un espazo de encontro, diálogo e intercambio de experiencias, no que compartir inquietudes, resolver dúbidas e construír de maneira colectiva unha mirada de futuro sobre o envellecemento.
DATA, LUGAR E HORARIO
A charla é de balde, e celebrarase o 29 de xaneiro de 2026, no salón de actos da Universidade Intercontinental da Empresa (UIE), situada na Ronda de Nelle, 31 (A Coruña), en horario de 16:00 a 20:00 horas.
INSCRICIÓN E PROGRAMA
O prazo de inscrición estará aberto ata o 22 de xaneiro.
Para inscribirte, debes acceder ao formulario de inscrición a través desta ligazón, cubrir os teus datos e premer en enviar.
Unha vez completado o proceso, aparecerá a mensaxe: “La respuesta se ha enviado”.
Finalizado o prazo de inscrición, dende FADEMGA confirmarémosche a praza por correo electrónico.
Poes descargar o programa completo da charla-coloquio seguindo esta ligazón.
ALGUNHA DÚBIDA?
Se precisas máis información ou tes algunha dúbida, podes contactar con nós a través do correo areasocial@fademga.org ou chamando ao 981 51 96 50.
