Asistimos á entrega de medallas Emilia Pardo Bazán
As medallas foron creadas pola Xunta de Galicia no ano 2019 para o recoñecemento e accións relevantes en prol da igualdade entre mulleres e homes.
FADEMGA Plena inclusión Galicia
03-10-2024Os tres institutos de investigación sanitaria de Galicia, a Asociación de Mulleres con Discapacidade (Acadar) e a impulsora da Asociación de Amas de Casa, Usuarios e Consumidores da Coruña, Rosa Otero, recibiron este mércores as medallas Emilia Pardo Bazón durante un acto no que FADEMGA Plena inclusión Galicia tivo a sorte de participar.
Neste encontro estiveron presentes as persoas homenaxeadas así como a conselleira de Política Social, Fabiola García, o conselleiro de Sanidade, Antonio Gómez Caamaño, a alcaldesa da Coruña, Inés Rey, a subdelegada do goberno, María Rivas ou o presidente do Parlamento galego, Miguel Ángel Santalices.
Durante o acto, Marta Núñez, membro da Xunta Directiva da Asociación Acadar (entidade sen ánimo de lucro que reivindica a igualdade de oportunidades das mulleres con algunha discapacidade) quixo visibilizar a súa loita "Se unha muller ten unha discapacidade, sexa cal sexa, debe facer moitas conquistas, tanto no ámbito privado coma no público"
A esta reivindicación sumouse Rosa Otero, presidenta da Asociación Provincial de Amas de Casa, Consumidores e Usuarios da Coruña, "Nestes anos temos avanzado moito con respecto á igualdade, no plano educativo, laboral, familiar, cultural e social. Pero é importante que as mulleres continuemos loitando para que dita igualdade, real e efectiva, chegue a moitos outros ámbitos".
