Segunda convocatoria de Viaxes IMSERSO 2025. Apúntate!
O prazo estará aberto ata o vindeiro 11 de maio
FADEMGA Plena inclusión Galicia
21-04-2025O lecer e o tempo libre xogan un papel fundamental no desenvolvemento de todas as persoas, sendo ademais clave para a inclusión social.
Por iso, desde FADEMGA Plena inclusión Galicia vimos apostando desde hai anos por ofrecer a todas as persoas con discapacidade intelectual a posibilidade de participar no Programa de Vacacións IMSERSO, tendo sempre en conta as súas preferencias e gustos.
A través deste programa queremos promover a inclusión mediante espazos de lecer normalizados e fomentar a creación de contornas inclusivas que favorezan as relacións persoais entre persoas con e sen discapacidade, á vez que fomentamos a creación de redes de apoios naturais na comunidade.
Rematada a primeira convocatoria do pasado mes de febreiro, abrimos agora o prazo para participar nesta segunda fase do programa, para a que podedes achegarnos a documentación ata o 11 de maio.
Se tes calquera dúbida podes chamarnos ao 981 51 96 50 ou escribirnos a ocio@fademga.org
A continuación podes descargar a documentación coas instrucións para realizar a solicitude, os destinos desta segunda convocatoria e os arquivos necesarios para a inscrición:
- Ficha de solicitude individual
