Abrimos a convocatoria para formar parte da bolsa de persoas auditoras
Un proceso aberto anualmente para reforzar a avaliación e mellora continua das entidades
FADEMGA Plena inclusión Galicia
09-01-2026A bolsa de persoas auditoras é unha rede de profesionais das entidades federadas que realizan auditorías internas de calidade. A través desta bolsa, as persoas inscritas poñen os seus coñecementos a disposición doutras entidades e, ao mesmo tempo, poden solicitar que unha persoa da bolsa realice a auditoría na súa propia entidade.
Este sistema permite ir máis alá das auditorías habituais dentro da mesma organización, evitando rutinas e miradas excesivamente coñecidas. Así, facilítase a identificación de novas oportunidades de mellora a partir doutros xeitos de traballar, reforzando a independencia e a obxectividade do proceso de auditoría. Ademais, a bolsa favorece o intercambio de coñecemento, a aprendizaxe compartida e a creación de vínculos profesionais entre as entidades federadas, fortalecendo o traballo en rede.
Onde podo obter máis información?
Podes consultar toda a información nos seguintes documentos:
- Guía informativa da Bolsa de persoas auditoras internas de FADEMGA Plena inclusión Galicia.
- Documento de compromiso da Bolsa de persoas auditoras internas.
- Información adicional da Bolsa de persoas auditoras internas.
Ata que día podes inscribirte?
O prazo de inscrición estará aberto ata o 16 de xaneiro de 2025.
Cando coñecerás a quen te auditará e a quen auditarás?
Antes do 26 de xaneiro de 2026 enviarémosvos o calendario co cruce das auditorías internas entre as entidades participantes.
Algunha dúbida?
Podes contactar directamente con Bibi no teléfono: 981 519 650 ou no correo electrónico: calidade@fademga.org
