Ábrese o prazo de inscrición para o Encontro de Familias 2025: “Un camiño compartido”
Un espazo para compartir experiencias, dar voz ás persoas con discapacidade intelectual e acompañar ás familias.
FADEMGA Plena inclusión Galicia
03-06-2025O vindeiro 28 de xuño, Santiago de Compostela converterase nun espazo de encontro, reflexión e apoio mutuo coa celebración do noso tradicional Encontro de Familias, que nesta edición levará por lema “Un camiño compartido”.
A través desta consigna, queremos destacar a importancia de camiñar xuntas: persoas con discapacidade intelectual, familias, profesionais e entidades, reforzando os lazos que nos unen e poñendo no centro o valor de compartir e acompañar.
O prazo de inscrición xa está aberto e rematará o 18 de xuño.
Nesta ligazón podes descargar o programa e a información necesaria para formalizar a túa inscrición.
Lembra! Este Encontro é unha oportunidade única para sumar, compartir experiencias e seguir fortalecendo a nosa rede. Porque cando o camiño se comparte, cada paso cobra máis sentido. Non quedes fóra!
Podes consultar toda a información detallada e acceder ao formulario de inscrición premendo aquí.
