Inicio

Nesta área levamos a cabo programas de atención directa para persoas con discapacidade intelectual ou do desenvolvemento co fin de facilitarlles o apoio e as ferramentas que precisan para mellorar aqueles aspectos nos que poden ter carencias ou máis necesidades de apoio.

Nalgúns casos estes apoios proporciónanse de maneira individualizada, mentres que noutros, os apoios proporciónanse a un grupo de persoas con características/necesidades especiais e en espazos comúns.

Igualmente, algúns dos programas englobados dentro da Área Social prestan apoios puntuais ás entidades, para que podan impulsar e implantar un determinado servizo de atención ás persoas con discapacidade intelectual. Tras este apoio puntual a Federación retírase para que a entidade asuma as accións e intervencións como propias.