Voluntariado
Forma parte do cambio!
Dende FADEMGA Plena inclusión Galicia e as nosas entidades federadas ofrecémosche experiencias enriquecedoras, espazos para participar e achegar ideas e a posibilidade de formar parte dun movemento de cambio social.
Escoitamos as túas motivacións, ofrecémosche formación e orientámosche a organizacións que poidan ofrecerche a experiencia de voluntariado axustada ás túas expectativas.
O VOLUNTARIADO NO NOSO MOVEMENTO ASOCIATIVO
En Plena inclusión hai máis de 8 mil persoas voluntarias que apoian a persoas con discapacidade intelectual.
O seu papel é importante porque serven para unir ás persoas co resto da sociedade a través de relacións únicas e diferentes ás que a persoa con discapacidade intelectual teñen coa súa familia ou os seus profesionais de apoio.
Se che interesa colaborar mediante algunha actividade de voluntariado, podes buscar cal é a túa asociación máis próxima ou contactarnos neste formulario especificando “Solicitude de voluntariado”.
COLABORA COMO EMPRESA OU INSTITUCIÓN
Que poden facer as empresas e institucións para comprometerse coa plena inclusión das persoas con discapacidade intelectual ou do desenvolvemento e as súas familias?
Dende FADEMGA Plena inclusión Galicia podemos orientarche sobre as diferentes posibilidades de colaboración connosco: voluntariado corporativo, prestación de servizos, inclusión no emprego, difusión de actividades e un longo etcétera.
