O edificio CERSIA, en Santiago de Compostela, acollerá o vindeiro 14 de novembro a xornada de presentación de resultados do Programa Integrado de Emprego (PIE) de FADEMGA Plena inclusión Galicia. 

Esta xornada contará coa participación de persoas con discapacidade intelectual beneficiarias, familiares, empresas colaboradoras e técnicos participantes que nos explicarán de maneira pormenorizada as conclusións e beneficios desta iniciativa, que entre 2022 e 2023 posibilitou que 262 persoas con discapacidade intelectual e do desenvolvemento das 4 provincias galegas mellorasen as súas capacidades e coñecementos orientados para atopar un emprego. 

A información, a formación, a orientación profesional, as prácticas laborais e a intermediación laboral foron os pilares fundamentais deste ambicioso proxecto, do que agora daremos a coñecer as conclusións finais. 

INSCRICIÓN E PRAZOS

Aquelas persoas interesadas en participar nesta xornada, debedes cumprimentar este cuestionario online. 

O prazo para achegarnos a vosa inscrición rematará o vindeiro venres 10 de novembro ás 14:00 horas. 

Preme nesta ligazón e consulta o programa completo!

ESPERÁMOSTE!