Como caracteriza cada mes de xuño, FADEMGA Plena inclusión Galicia ven de celebrar a súa Asemblea Xeral Ordinaria, onde se deron cita directivos de 28 entidades membro co fin de avaliar o traballo realizado durante o ano 2022 e poñer a mirada nas actividades e proxectos que están por vir.

Ademáis da aprobación por maioría da Memoria de actividades, do balance de contas, o Plan de acción e orzamento de cara a 2023, na Asemblea acordouse propoñer a D. Manuel Carballo (vogal da Federación e directivo da Asociacion ASPANAEX) ao Consello Galego de Benestar Social como representante dos intereses da Federación.

Rematada a Asemblea Ordinaria, procedeuse á celebración da Asemblea Xeral Extraordinaria para ratificar o acordo de modificación do Artigo 4 dos Estatutos de FADEMGA Plena inclusión Galicia, correspondente a “Obxectivos e Fins”, todo elo coa finalidade de ampliar as áreas de atención no Rexistro Único de Entidades Prestadoras de Servizos Sociais (RUEPPSS) da Xunta de Galicia e así poder optar ás diferentes convocatorias de axudas.