En España, hai 63.000 persoas que necesitan apoios extensos ou xeneralizados. É o equivalente da poboación de Zamora, e segundo datos de Plena inclusión, o 96% destas persoas non accede ao mercado laboral: forman parte desa gran masa que as estatísticas denominan “inactivas” (case 123.000 persoas segundo os datos de ODISMET). A realidade detrás destes datos é que estas persoas son sistemáticamente excluídas das oportunidades laborais.

En 2016, Plena inclusión España en colaboración con seis federacións membro e entidades que forman a base deste movemento asociativo, puxo en marcha un proxecto de Emprego Personalizado para apoiar ás persoas con discapacidade intelectual con máis necesidades de apoio a acceder ao mercado laboral, en base a unhas metodoloxías e prácticas que tiveron éxito no ámbito internacional. Desde entón esta metodoloxía púidose traballar na maior parte das comunidades autónomas conseguindo resultados de contratacións en empresas ordinarias”.

:: A METODOLOXÍA DO EMPREGO PERSONALIZADO

O enfoque deste proxecto é que cada persoa con discapacidade intelectual e/ou desenvolvemento poida acceder a postos de traballo nun mercado laboral aberto, e que sexa protagonista de todo o proceso de procura do seu emprego e da negociación coa empresa.

O papel dos nosos profesionais de apoio neste ámbito é indagar na súa historia persoal, identificar o seu “xenio persoal”, os seus talentos ocultos, e facendo desta procura un proxecto común coa persoa. Esta indagación faise, por tanto, a partir do capital social da persoa e de como usa a comunidade e a súa contorna máis próxima. Desde Plena inclusión entendemos o emprego como unha ferramenta de trasformación social que leva á construción de contornas laborais abertas, accesibles e inclusivos.

Cremos nas posibilidades e os talentos de TODAS as persoas porque toda cada unha delas ten unha capacidade para o emprego e o dereito de exercela. O que se necesita é prover os apoios e xerar as oportunidades para que as oportunidades de emprego existan.

Queremos impulsar un cambio de rol profesional enfocado a xerar oportunidades laborais, crear emprego nas contornas das persoas, dar solucións e ofrecer servizos de consultoría a empresas que queiran transformar os seus procesos de xestión humana. Xunto a iso, reivindicamos estudos e informes que recollan e analicen datos estatísticos das persoas con máis necesidades de apoio e como cumpren as empresas a súa obrigacións coa sociedade, porque para transformar a realidade antes temos que coñecela.

:: COÑECE MÁIS SOBRE O EMPREGO PERSONALIZADO

Nas seguintes ligazóns podes descargar información sobre esta metodoloxía de traballo e indagar máis nos seus procesos e fases: 

- Áreas vocacionais

- Roles e fases do emprego personalizado

 Este proxecto é posible grazas a: