FADEMGA Plena inclusión Galicia xunto con AEDIGAL queren animar e apoiar ás entidades a que deseñen e implanten os seus propios plans de igualdade. Este apoio consistirá na xestión de varias sesións de guía, acompañamento, asesoramento e resolución de dúbidas cunha consultora especializada na materia

As sesións servirán ás entidades para adquirir coñecementos, desenvolver e implantar os seus plans. Ademais poderán plantexar todas as súas dúbidas e compartir as diferentes realidades e resultados de cada entidade.

::  Por que implantar un Plan de Igualdade na miña asociación?

Segundo RD 901/2020 e o RD 6/2019 teñen que elaborar e aplicar un Plan de igualdade as entidades:

      - Con 50 ou máis persoas traballadoras (a partir do 7 de marzo de 2022)

      - As obrigadas por convenio e as sancionadas.

Por outra banda o RD 901/2020 indica que as empresas que teñan implantado un Plan de Igualdade teñen ata o 14 de xaneiro de 2022 para adaptalo á nova normativa.

Que vantaxes ten implantar un Plan de igualdade para aquelas entidades que non teñen a obriga? 

     - A obtención de axudas e subvencións das Administracións Públicas.

     - Mellorar as posibilidades de acadar contratos co sector público.

      - Asegurar todas as garantes laborais e sociais das súas integrantes.

      - Mellorar a responsabilidade social da asociación, afrontando os problemas derivados da desigualdade de xénero.

      - Eliminar discriminacións baseadas no xénero.

      - Mellorar a súa imaxe, tanto de xeito interno como de cara á sociedade.

Cal o prazo para apuntarse a esta convocatoria?

As entidades que teñan interese en participar deberán comunicalo ANTES DO 03 DE DECEMBRO remitindo a ficha de inscrición e xustificante de pago de 70€ ao mail Este enderezo de correo está a ser protexido dos robots de correo lixo. Precisa activar o JavaScript para velo. ou Este enderezo de correo está a ser protexido dos robots de correo lixo. Precisa activar o JavaScript para velo.

Nos seguintes enlaces podes descargar a  INFORMACIÓN DA CONVOCATORIA así como a FICHA  DE INSCRICIÓN.