Dentro da colección “Cadernos de Boas Prácticas”, Plena inclusión España acaba de publicar unha nova guía sobre Emprego Público.Titúlase "As persoas con discapacidade intelectual na función pública: informe sobre situación, recomendacións e apoios tecnolóxicos".

O obxectivo desta guía é promover estratexias que contribúan a que as persoas con discapacidade intelectual ou do desenvolvemento teñan acceso ao emprego público, como unha opción de emprego de calidade e segura entre as persoas interesadas e as súas familias, así como entre as entidades que as apoian.

Para iso, esta guía achega recomendacións baseadas en boas experiencias detectadas ao longo do territorio nacional, sobre o acceso a postos na función pública de persoas con discapacidade intelectual ou do desenvolvemento; o apoio no mantemento do posto; e a promoción interna dentro da administración pública.

En cada un destes temas propón aspectos a mellorar, consellos para facelo e exemplos de boas experiencias. Deste xeito, será útil tanto para aquelas persoas que queiran saber como é o proceso de acceso á función pública, como para aquelas administracións que desexen ofrecer postos de traballo de similares características e poidan aprender máis cousas sobre este proceso.

A publicación, escrita por Javier Muñoz, David Sánchez e Amalia San Román, ten un prólogo da coordinadora e responsable de Emprego de Plena inclusión Silvia Muñoz, e unha introdución a modo de resumo en Lectura Fácil.

Nesta ligazón podes atopala: Caderno de Boas Prácticas: acceso ao emprego público.