O pasado 25 de febreiro, responsables do Proxecto da Central de Compras da Diversidade achegáronse a Galicia para impartir unha xornada de formación ás entidades membro do proxecto e aclarar as posibles dúbidas.  Luis Pastor, Javier de Miguel e Esther Quintanilla, fixeron un resumo a través dos pasos dados para iniciar a Central de Compras, e explicaron o funcionamento da aplicación para compra de productos e servizos.

 

Seguidamente, celebrouse unha reunión en cada unha das entidades, onde se analizou a documentación de cada asociación, co fin de explicar e ofrecer un asesoramento pormenorizado e personalizado a cada unha delas. O inicio deste programa está contando cunha boa acollida na nosa comunidade, e dúas entidades máis acaban de amosar o seu interese en unirse ao proxecto.

Actualmente xa forman parte da central de Compras de Galicia as entidades de Juan María (Nigrán), Aspadex (Cee), Bata (Vilagarcía), Amipa (Rois), Chamorro (Narón), Aspanaex (Vigo), Aspas (Santiago), Aspas Emprego (Santiago), Special Olympics Galicia (Santiago), Amicos (Ribeira), Juan XXIII (Pontevedra), Aspadisol (Oleiros) e a propia federación FADEMGA FEAPS GALICIA.