Este programa ten un carácter complementario ás actividades e programas existentes nos servizos de atención directa que atenden ás persoas con discapacidade intelectual e do desenvolvemento (PCDID) en proceso de envellecemento e ás súas familias.

Entre os seus obxectivos cabe destacar a mellora da calidade de vida das persoas con discapacidade intelectual ou do desenvolvemento en proceso de envellecemento e das súas familias, a través de diferentes tipos de actuacións (actividades de estimulación cognitiva, actividades de motricidade ou mobilidade, sesións de participación na comunidade a través do uso dos seus recursos, apoio e asesoramento as familias, etc.) ao tempo que se lle facilita ás entidades de ferramentas e recursos para dar resposta ás necesidades e demandas deste colectivo, do que forman parte un amplo e crecente número das PCDID.

As entidades que, ata o momento, participaron no programa, foron: ASPAS (Santiago), ACEESCA (Porriño), ASPRONAGA (A Coruña), AMICOS (Ribeira) e JUAN XXIII (Pontevedra e Cangas), LA ESPERANZA DEL VALLE MIÑOR (Centro Juan María-Nigrán) e ASPNAIS (Lugo). Atendéronse a un total de 94 persoas con discapacidade intelectual en proceso de envellecemento e 96 familiares. Podedes consultar tódala información sobre o Programa, así como descargar a documentación necesaria para a solicitude, a través do seguinte enlace: ENVELLECEMENTO ACTIVO 2015