O pasado mércores 30 de xuño, FADEMGA FEAPS Galicia acudiu a Madrid para participar na Xornada de Impulso da Política de Persoas FEAPS. O obxectivo deste acto, que reuniu a 90 entidades de toda España, era impulsar e estender a Política de Persoas de FEAPS en todo o conxunto do Movemento Asociativo, así como ofrecer unha formulación estratéxica renovado desta política no marco das bases acordadas no Congreso Toledo 10.
 
Tras o desenvolvemento dunha etapa de pilotaxe do Proxecto LIDER , dirixido a que o conxunto do Movemento Asociativo dispoña e aplique Plans de Persoas coherentes co seu Modelo de Política de Persoas,  un total de 40 entidades elaboraron xa o seu Plan de Persoas FEAPS e disponse a aplicalo.
En Galicia, son catro as asociacións que se sumaron xa a esta iniciativa: ASRONAGA, ASPACE, BATA e JUAN XXII. 

Dende FADEMGA Feaps Galicia queremos animar a todas as nosas entidades a formar parte deste interesante proxecto. Aquelas asociacións interesadas, poden enviarnos a súa solicitude mediante e-mail á , fax ou carta á federación antes do 14 de xullo.  Todas as solicitudes serán canalizadas a través dá federación, para posteriormente facelas chegar á Confederación FEAPS.

Tras o verán esta prevista a apertura de novo prazo de admisión de solicitudes por parte de FEAPS. Axiña que se confirme  a data desta nova convocatoria publicarémola de xeito inmediato.