Ourense, martes 13 de outubro de 2009; Fademga Feaps Galicia (Federación de Asociacións en Favor das Persoas con Discapacidade Intelectual de Galicia) forma a un total de 6 persoas con discapacidade intelectual de Ourense en internet e informática, como ferramenta para mellorar a autonomía dos alumnos, así como a súa capacitación para o mercado laboral.

Esta acción formativa consta de dous cursos, un de informática básica e outro de iniciación a internet, impartidos de xeito consecutivo para optimizar a comprensión de conceptos. Os cursos, que comezaron na xornada de hoxe e rematarán o venres día 16, estanse a levar a cabo na aula informática do Centro Multiusos de Aspanas (Avda. Portugal) en Ourense, cunha carga formativa de 12 horas cada un dos dous cursos, de contido eminentemente práctico, para que os alumnos inscritos poidan traballar in situ as técnicas explicadas polos formadores.

Esta acción formativa ten como principais obxectivos, entre outros: Adquirir una visión xeneral sobre Internet e os ordenadores conectados á rede; coñecer os principais servizos que ofrece Internet: World Wide Web, correo electrónico,FTP, news, páxinas Web; Aprender as operacións habituais para o manexo do navegador Internet Explorer e Aproveitar as facilidades que ofrece para traballar coas páxinas Web ou elementos contidos nelas; Buscar información na Rede empregando distintos buscadores; Enviar e recibir mensaxes empregando un programa de correo electrónico; coñecer a computadora: estrutura e periféricos; periféricos de entrada básicos; Sistema operativo: entorno Windows; elementos para traballar co teu equipo; a papeleira de reciclaxe; etc.

FADEMGA FEAPS GALICIA aposta pola formación nas novas tecnoloxías das persoas con discapacidade intelectual pertencentes á federación, como ferramenta fundamental na sociedade actual, tanto para a socialización como para a búsqueda de emprego ou desempeño do mesmo.

Por iso, para que as persoas con discapacidade intelectual non se queden excluídas da sociedade do coñecemento, é necesario que adquiran as suficientes competencias que garantan un dominio mínimo das novas tecnoloxías, que permita o seu desenvolvemento social e persoal e mellore a súa integración efectiva na sociedade actual. Por este motivo, a federación decidiu programar esta actividade, que será levada a cabo por técnicos da mesma, e que se verá ampliada noutras localidades galegas, polo éxito da convocatoria.

Esta acción está financiada pola Secretaria Xeral de Modernización e Innovación Tecnolóxica; o Ministerio de Industria, Turismo e Comercio, e o Fondo Europeo de Desenvolvemento Rexional