FADEMGA FEAPS GALICIA é a Federación de Asociacións en favor das Persoas con Discapacidade Intelectual de Galicia. FADEMGA conta na actualidade con 41 entidades galegas federadas que prestan servizo a 3.876 persoas con discapacidade intelectual. Conta con 9.486 socios. As entidades de FADEMGA contan cunha rede de 96 centros ubicados polas catro provincias galegas nos que traballan un total de 1.373 profesionais coa axuda de 1281 voluntarios.

Os servizos que ofrece FADEMGA FEAPS GALICIA a través das súas entidades son Servizo de atención temperá, Servizo de intermediación para a inserción socio-laboral, Servizo de apoio para o desenvolvemento profesional e social en centro especial de emprego, Servizo de apoio para o desenvolvemento profesional e social en empresa convencional e outras modalidades, Servizo de apoio a familias, Servizo ocupacional, Servizo de atención de día, Servizo de apoio á vida independente, Servizo de vivenda ou residenciais para persoas con necesidades de apoio intermitente ou limitado, Servizo de vivenda ou residenciais para persoas con necesidades de apoio extenso ou xeralizado, Servizo multiprofesional de diagnóstico, seguemento, avaliación, planificación e coordinación, Servizo de tutela e Servizo de ocio.

Por outra parte FADEMGA FEAPS GALICIA ofrece unha serie de servizos ás súas entidades federadas a través das diferentes áreas que integran a Federación como son Administración, Calidade, Ocio, Comunicación, Emprego e Formación, e Familia.

SERVICIOS: Estancias individuais e grupais, Apoios puntuales, Información e orientación laboral, Formación para o emprego, Apoios para o emprego, Fomento do Emprego.

PROGRAMAS:  Autoxestores, Desventaxe social, Adultos sós, Envellecemento, Reclusos-Ex relusos, Ocio-vacacion.

A Federación galega pertence a nivel estatal á Confederación Española de Organizacións en favor das Persoas con Discapacidade Intelectual (FEAPS), na que están integradas un total de 19 Federacións de toda España.