Un ano máis, a Federación, a través do Programa de Apoio Familiar, dirixido ás familias de persoas con discapacidade intelectual, pon en marcha o Servizo de Asesoría Xurídica, para dar resposta ás dubidas de carácter legal e xurídico sobre temas como a tutela, responsabilidades penais e civís das persoas con discapacidade, esterilización, herdanzas etc.

Dentro do Servizo de Asesoría Xurídica, hai dúas modalidades de atención: 

1. Charlas xurídicas

2. Consultas individuais 

CHARLAS XURÍDICAS

As charlas xurídicas pretenden achegar ás familias temas xurídicos de relevancia, dun xeito ameno e próximo, dándolles en todo momento a posibilidade de preguntar dúbidas que procuran resolverse no momento.

Este servizo está destinado ás familias de persoas con discapacidade intelectual. As familias deberán de representar o 80% dos asistentes, sendo o número mínimo de participantes 12 (10 familiares) e o máximo  de 40 ( 32 familiares). Entre os temas que se abordarán cabe destacar os procesos de incapacitación, o contrato de alimentos, a herdanza, o patrimonio protexido, o dereito de habitación ou a autotutela.

Presentación de solicitudes

As entidades interesadas deberán de presentar as súas solicitudes por escrito, cubrindo todos os apartados da FICHA CHARLAS

A ficha deberá de achegarse a FADEMGA con dúas semanas de antelación á data de celebración, e pode facerse mediante: 

a) Por correo electrónico á dirección   

b) Por fax a través do número 981 51 96 51

c) Por correo postal á dirección: Vía Pasteur, 53, A. Polígono do Tambre. 15890, Santiago de Compostela.

Para máis información consulta o seguinte enlace: CHARLAS XURÍDICAS 2010

CONSULTAS INDIVIDUAIS

No caso das consultas individuais, estas  deberán de solicitarse por escrito mediante a  "Ficha de consultas individuais"

As famlias interesadas deberán de presentar esta ficha a través da súa entidade, cubrindo tódolos apartados, e deberase de facer chegar a FADEMGA  a través de: 

a) Correo electrónico:   

b) Por fax a través do número 981 51 96 51 

c) Por correo postal á dirección: Vía Pasteur 53, A, Polígono do Tambre, 15890, Santiago de Compostela. 

Para máis información sobre as consultas individuais, pincha no seguinte link: CONSULTAS INDIVIDUAIS 2010

ACTUALIZADO: A PARTIR DO SEGUINTE ENLACE PODEDES DESCARGAR A NOVA FICHA DE  SOLICITUDE DA Guia xuridica 2010