O pasado venres 26 de febreiro, na Xunta Directiva celebrada en Toledo, FEAPS aprobou a decisión de nomear Presidente Juan Cid, até agora Presidente de FEVAS. Cid releva no cargo a Pedro Serrano, que ocupou a Presidencia desde novembro de 2001.
Juan Cid, de 52 anos de idade, pai dun mozo con Trastorno do Espectro Autista, incorporouse ao ámbito asociativo en 1992, cando entrou a formar parte da Xunta Directiva de Gautena, que é a Entidade Guipuscoanade Autismo. En 2003 pasou a ser Vicepresidente da Entidade e no ano 2005 Presidente. En 2006 accedeu á Presidencia de FEVAS e posteriormente foi vogal da Xunta Directiva de FEAPS, que agora preside.
Esta substitución na Presidencia da organización enmarcouse na celebración do Congreso Toledo 10 , celebrado na capital manchega durante os días 26, 27 e 28 de frebreiro. Este evento culminou un ano de reflexión do Movimento Asociativo FEAPS, no que 7.500 persoas debateron e deseñaron as principales liñas estratéxicas da organización do futuro, a través de máis de 10.000 ideas e achegas.
Un ano máis, xa está dispoñible o programa do Servizo de Respiro Familiar, destinado a proporcionar medios facilitadores para que as familias de persoas con discapacidade intelectual podan afrontar mellor o seu día a día, ofrecéndolles unha xornadas de reposo e tranquilidade.
Entre os beneficios que aporta este tipo de servizo, cabe destacar o feito de que facilita a permanencia no entorno familiar da persoa con discapacidade intelectual, evitando así a súa inclusión en programas de maior custe tanto económico como social. Ademáis tamén prevén situacións de crise familiar ou persoal, favorece dinámicas familiares e de parella normalizadas e evita o desarraigo e deterioro das familias favorecendo a integración no medio e a solidariedade cidadá para coas persoas con discapacidade intelectual.
Un ano máis, a Federación, a través do Programa de Apoio Familiar,
dirixido ás familias de persoas con discapacidade intelectual, pon en
marcha o Servizo de Asesoría Xurídica, para dar resposta ás dubidas de
carácter legal e xurídico sobre temas como a tutela, responsabilidades
penais e civís das persoas con discapacidade, esterilización, herdanzas
etc.
Dentro do Servizo de Asesoría Xurídica, hai dúas modalidades de atención:
1. Charlas xurídicas
2. Consultas individuais
CHARLAS XURÍDICAS
As charlas xurídicas pretenden achegar ás familias temas xurídicos
de relevancia, dun xeito ameno e próximo, dándolles en todo momento a
posibilidade de preguntar dúbidas que procuran resolverse no momento.
Este servizo está destinado ás familias de persoas con discapacidade
intelectual. As familias deberán de representar o 80% dos asistentes,
sendo o número mínimo de participantes 12 (10 familiares) e o máximo
de 40 ( 32 familiares). Entre os temas que se abordarán cabe destacar
os procesos de incapacitación, o contrato de alimentos, a herdanza, o
patrimonio protexido, o dereito de habitación ou a autotutela.
Presentación de solicitudes
As entidades interesadas deberán de presentar as súas solicitudes por escrito, cubrindo todos os apartados da FICHA CHARLAS
A ficha deberá de achegarse a FADEMGA con dúas semanas de antelación á data de celebración, e pode facerse mediante:
a) Por correo electrónico á dirección
b) Por fax a través do número 981 51 96 51
c) Por correo postal á dirección: Vía Pasteur, 53, A. Polígono do Tambre. 15890, Santiago de Compostela.
As famlias interesadas deberán de presentar esta ficha a través da
súa entidade, cubrindo tódolos apartados, e deberase de facer chegar a
FADEMGA a través de:
a) Correo electrónico:
b) Por fax a través do número 981 51 96 51
c) Por correo postal á dirección: Vía Pasteur 53, A, Polígono do Tambre, 15890, Santiago de Compostela.
Para máis información sobre as consultas individuais, pincha no seguinte link: CONSULTAS INDIVIDUAIS 2010
ACTUALIZADO: A PARTIR DO SEGUINTE ENLACE PODEDES DESCARGAR A NOVA FICHA DE SOLICITUDE DA Guia xuridica 2010
